كشفت الفنانة المصرية زينة تفاصيل علاقتها مع الفنانة شيرين عبد الوهاب، خلال ظهورها ضيفة ببرنامج بودكاست "قصتي"، من تقديم الإعلامي محمد قيس. وقد تحدثت زينة عن صداقتها القوية والقديمة بشيرين، مؤكدة بأن علاقتهما بدأت من قبل انطلاق شيرين فنيًا وتحقيقها لشهرة واسعة مع أغنية "آه يا ليل".
حلقة زينة مع الاعلامي محمد قيس
وأضافت زينة: "أنا و شيرين أصحاب من زمان أوي، قبل ما تعمل اغنية آه يا ليل، وكنا شلة واحدة أنا وهي و تامر حسني و أحمد سعد و ياسمين أختي ومعانا دنيا وإيمي سمير غانم". وتابعت زينة:" كنت أعرف المنتج نصر محروس وكان يعرف إني بلبس حلو فكلمني وقالي أنا جايب بنت جديدة وصوتها حلو وعايزك تنزلي وتشتري معاها لبس حلو للفيديو كليب، فأخدتها واشترينا وبعدها رجعنا على البيت عندي و اتغدينا مع بعض وبقينا أصحاب".
الصداقة بين شيرين عبدالوهاب وزينة قديمة
وأكملت زينة: "لما بدأت شيرين تشتهر كنا نسافر معاها، انا واختي يعني مثلا لو عندها حفلة في لبنان كنت أروح معاها أنا وياسمين والتذاكر ببلاش ونتفسح وننبسط وكمان نعمل شوبيج، شيرين عشرة عمر بالنسبة ليا ومش مطربة ولا صاحبتي عادي.
والدي كان بيحبها
وتابعت زينة: أبويا كان بيحب شيرين وهي كانت بتحبه أوي، وانا فاكرة لما بابا مرة دخل المستشفى فكانت بتيجي تقعد تحت رجله و تأكله وانا عمري ما هنسى المشاهد والمواقف دي في حياتي". وأضافت زينة: "علاقتي اتقطعت مع شيرين خالص من قبل الأزمة اللي حصلت، وحتي علاقتها مع ياسمين أختي انقطعت وشيرين اختفت تماما، من ساعة ما اتجوزت حسام . ولما سمعت أنها تعبانة جدا قلبي وجعني ولقيت أختي بتكلمني في التليفون وهي بتعيط وكنا عرفنا الموضوع ومشكلتها من ناس كانوا قريبين منها".
شيرين والأزمة الصحية
وواصلت زينة: "كلمت حد وطلبت منو رقم شيرين وكلمتها ورحتلها وكانت تعبانة صحيا وعملت عملية وشالت المرارة وكمان كان عندها الصفراء، ومش الحاجات اللي بتتقال عنها، وهي عملت عمليات ودخلت فعلا العناية المركزة لان حالتها كانت في خطر لانها أهملت في صحتها". وأردفت زينة: "ولما لقيت نفسي لوحدي كلمت زميلنا أحمد سعد لانه أقرب لشيرين كتير، واحمد مترددش لحظة واحدة وهو راجل محترم وجدع".
هناك فنانة تكرهني!
وتطرقت زينة خلال حديثها ايضا إلى خلافاتها بداخل الوسط الفني، وكشفت عن وجود فنانة لم تذكر اسمها، وقالت بإنها تتعمد إيذاءها منذ سنوات، ووضحت: الفنانة دي بقالها سنوات بتأذيني. وكشفت زينة بأن هذه الفنانة تفتعل المشاكل لمجرد ذكر اسم زينة أو وجوده بجوار اسمها، وقالت: بتعمل الفنانة دي مشكلة لو اسمي اتكتب جمب اسمها أو اتنطق قدامها، وأشارت إلى أن الأمر قد يصل إلى حد تأثرها حين تشاهد أعمال زينة الفنية، وتابعت: بتعيط لما تشوفلي اي عمل فني.
