انتقدت الفنانة ريم البارودي، الفنانة وفاء عامر، قائلة: "مش بكلمها من سنة وشهرين وزعلانة منها، فيه حد مسخنها عليا، وفي أزمتي أنا وأحمد سعد أدخلت رغم أنها مسمعتش من الطرفين وفي أزمتي مع ريهام سعيد مدخلتش معللة إنها مسمعتش المشكلة من الطرفين".

ريم البارودي لم تتحدث مع وفاء عامر منذ سنة وتعبر عن استيائها من ذلك

مشكلة ريم البارودي مع وفاء عامر

وأضافت خلال الجزء الثاني من لقائها ببرنامج "العرافة": "وفاء عامر ست بتاعت ربنا وبتصلي وبتعمل عمرة وطلعت حج وعندها عمر، وبقولها ليه تقولي مش هاتدخل في أزمة ريم البارودي لأني مسمعتش من ريهام سعيد رغم انها عارفة كل القصة كاملة". وتابعت ريم البارودي: "انا هلطم علي وشي وهقطع شراييني من وفاء عامر وتصريحاتها واللي بتعمله معايا، أنا اصلا مش بكلمها"، مشيرة:"وفاء عامر الممثلة الوحيدة اللي حضرت فرح المتهم بانتهاك حرمة حياتي الخاصة".

خلاف ريم البارودي مع محمد سامي واعتذارها عن عمارة يعقوبيان

ولفتت: "معرفش ليه المخرج محمد سامي مبيحبنيش وماعنديش معلومة، وبقيت اتفاجئ ومش عارف مين بيحبني ومين مبيحبنيش؟". وأوضحت: "رفضت مسلسل جري الوحوش مرتين، لأني عملت دور في الباطنية وأخاف اعيد تجربة مش معمول حسابها في حاجات كتير، وانا اكتر واحدة اعتذرت عن أعمال وبختار الأعمال بعناية شديدة". ولفتت: "انا اعتذرت عن فيلم عمارة يعقوبيان والأخوة الأعداء، لأني مش بحب أعيد نفسي في الأدوار".

عفريت الجزائر وأزمة ريم البارودي

وأكدت: "انا كنت معزومة علي تكريم في الجزائر، واتقال لي انه تبع وزارة الثقافة الجزائرية وطلع الموضوع معمول في صالون بيتنا وكنت هارمي نفسي من البلكونة، وقلت مش هشارك في المهزلة دي وقلت مش هنزل الحفلة والست المنظمة طلعت لي الأوضة فقلت لها مش هانزل وفجأة صوتها اتغير وطلعت ملبوسة ولقيت راجل بيقرأ لها قراَن وقالت لي انا ملبوسة قلت لها وانا مجنونة وهارمي نفسي من الدور الرابع، والصراحة وقتها خفت لما لقيتها فعلا ملبوسة وفيه شيخ بيقرأ لها قراَن".

تابعوا جميع مسلسلات رمضان 2024 بجودة عالية في موقع مسلسلات: مسلسلات رمضان 2024

تابعوا أكثر 10 مسلسلات مشاهدة في 2024 في موقع مسلسلات هنا: أكثر 10 مسلسلات 2024 مشاهدة