هاجمت الفنانة اللبنانية نجوى كرم السياسيين اللبنانيين وطالبتهم بالرحيل بعد الانفجار الأليم الذي وقع في مرفأ بيروت نتج عنه وقوع عشرات الوفيات وآلاف المصابين، وكذلك المفقودين، ودمار شامل في الأبنية المجاورة. ووجهت كرم رسالة بصوتها عبر مقطع فيديو، كما قدمت التعازي لذوي الضحايا وتمنت الشفاء العاجل للجرحى بسبب الانفجار، وأضافت: "هيدي رسالة لكل السياسيين".

وقالت نجوى في الفيديو: "كأنو ما صار شي ومبلا صار وكتّر.. دبحتونا ودبحتو البلد متل كأنو ما صار شي، طفيتو أهدافنا وأحلامنا والبكرا تبعنا، ومتل كأنو ما صار شي، هجرتو ولادنا وأدمغتنا ومتل كأنو ما صار شي".

وأضافت: "نهبتونا وسرقتونا وفلستونا متل كأنتو ما صار شي، وقال شو وبكل وقاحة قالولنا بكرا بيتعودو، ولك يعودكن العمى أقلا شي، مش ملككن نحنا ..ولا محط تجاربكن وحقل لتحقيق أمنياتكن ..ولك لازم ثورة تفوت عبيوتكن تتحسسكن بيلي عم نحسو.. هيدا إذا كان عندكن أساسا فيه احساس يا أولاد الأفاعي.. شغلتو فينا المستشفيات وأطبا النفس.. خليتونا ميتين ونحنا أحياء يا بلا وجدان".

وتابعت الفنانة اللبنانية: "ولك وين ريحة الطيون والزعتر يلي بدلتوها بريحة جتت ولادنا أهالينا.. وبعدكن عم تتقاتلو عالسلطة؟!! ولك روحو انقبرو فلّو... صاير ومكتّر صاير ومكتّر..بس إنو كانو الدني عم تشتي.. كيف قادرين تستخفو فينا؟! كيف قادرين تستخفو بعقولنا وأرواحنا؟! مش عم نفهم كيف؟ إذا انتو مش فاهمين مصيبة، وإذا انتو فاهمين مصيبة أكتر".

وفي سياق ذلك؛ ذكر وزير الصحة اللبناني، حمد حسن، أن حصيلة قتلى انفجار بيروت ارتفعت إلى 135 قتيلا، لافتًا إلى أن أعداد المفقودين وصلت إلى 80 شخصا. من جهته قال محافظ بيروت مروان عبود، في تصريحات متلفزة إن خسائر انفجار المرفأ تتراوح بين 10 و15 مليار دولار، مضيفا أن 300 ألف لبناني أصبحوا بلا مأوى بعد الانفجار.