لا يخفى على الوسط الفني ولاء الفنان المصري الراحل سعيد صالح لفريق النادي الاهلي وتشجيعه له باستمرار، ولذلك كان له موقف حاد عندما أخبرته ابنته هند، على سبيل الدعابة، أنها تشجع نادي الزمالك.

ابنة سعيد صالح قصت الموقف وقالت إنها أرادت أن تمازح والدها فأخبرته أنها تشجع الزمالك فصرخ فيها لأول مرة وقال، وفقًا لروايتها:"بنتي أنا تبقی زملكاوية؟! منين تيجي دي؟، طب أوري وشي للناس إزاي؟ وأنا اضحك أقول إيه لصحابي؟ صالح سليم والخطيب وعدلي القيعي؟! وأنا أضحك بنت أكبر أهلاوي متعصب.. تبقى زملكاوية؟".

ابنة الفنان الراحل أكملت قصتها وأضافت: "يومين لقيت عمو مصطفى متولي الله يرحمه بيكلمني، وبيقولي: يا بنتي استهدي بالله، وراجعي نفسك.. أبوكي مصدوم فيكي، وهو ماعندوش غيرك، طب والله العظيم يومين بس عدوا، ولقيت كارنيه النادي الأهلي اتعملي وأنا ماكنتش عضوة فيه، كنوع من الإغراء يعني عشان أتراجع عن موقفي، وبعته لي مع عمو مصطفی عشان كبريائه منعه أنه يفتح معايا الموضوع الله يرحمك والنبي ما جاش ولا هاييجي أحلی ولا أخف دم منك".