صور النجم هشام الحاج أغنيته الجديدة بعنوان "وتعمر لبنان" على طريقة الفيديو كليب والتي هي من اخراج ادوار بشعلاني وتميز بالعمل الضخم حيث صور لمدة يومان وبعدة أماكن في لبنان من عوكر "دير طميش" الى المطار ووسط المدينة حيث شارك العمل أكثر من ثلاث مئة وخمسون ممثل وممثلة وجمهور من محبي النجم هشام الحاج.

عاليالي بيروت رجعنا.. الشمس
وعيت تسهر معنا

والاغنية فكرة مدير عام شركة الفارس للانتاج الفني السيد لويس بشعلاني، كلمات الشاعر مرسال مدور، ألحان الفنان وسام الامير، توزيع باسم رزق، تسجيل ستوديو موريس طويلة، واليكم كلمات الاغنية:

تعـمّر لبنـان:

سافرتوا كان عنا حــــرب وفرقونا شرق وغـــــرب
خلصنا نار وقهر وضرب وتعمّر لبنــــــــــــــــــــــان

عاليالي بيروت رجـــعنا الشمس وعيت تسهر معنا
باسم السلام تجمــــــــعنا من كل الأديـــــــــــــــــان

وامات عم تبكي وتسأل عولادا اللي غابــــــــــــوا
والبي خايف ما يرحـل قبل رجوع حبابــــــــــــو

لا تترك بيّك زعــلان وامّك تدمع عالهجــــران
بدّك ترجع عا لبنــــان تبوّس حبات ترابــــــــــو

مهما بأوروبا جنيـــت وبأميركا عشقت و حبـيت
ما رح تقدر تنسى البـيت العميبكي عغيــــــــــــــابو

بتركض تتاخد جنســـيي وبيروت الحلوي منســيي
تفاخر في عندك هويـــي من أرض جبـــــــــــــران

كندا عنك عم تبعدنــــــي تركلي البرازيل وسدنــي
وعدني من أفريقيا وعدنـي ترجع عا لبنـــــــــــــــــان

الموال:
عللّه نعود نفرح بوطنـــــــــــــــــا بتسوى الدني نسمة هوى عنـــا
ومهما بغربتك تجمّع يا خييّ المال الاّ بأرض الوطن ما فيك تتهنّى

الصرخة:
يلاّ رجعوا….. الشمل جمعوا لبنان في اللّه مـــــــــعو
مهما الأعادي تمرجلــــــــوا عتراب أرضو بيركعـــوا
من هون من عنا الحــــــــلا أرضنا نبع الصــــــــــلى
للحرب نحنا رجالـــــــــــــها وللسلم يا ميّة هـــــــــلا
ان تجمعنا منربح وطــــــــن وان تفرقنا فينا بيطمعوا
رجعوا.. رجعـــوا.. رجعـــــوا