دافع خالد أديب النجل الأكبر للإعلامي عمرو أديب عن الفنانة الشابة أميرة أديب وهي ابنة عمه، وذلك بعد الانتقادات الشديدة التي تعرضت لها أميرة على أغنيتها الجديدة والفيديو كليب الذي طرحته قبل أيام قليلة وتحمل الاغنية عنوان "كارت محروق".

وتعرضت الفنانة الشابة أميرة أديب لموجة هجوم شديدة بعد طرحها الأغنية حيث أعترض البعض على قرارها دخول مجال الغناء بينما أخرون لم تعجبهم الاغنية ومن تعليقات الجمهور على أميرة وأغنية كارت محروق: "إيه ديه يا فنانة"؟ وجاء تعليق أخر يقول "ركزي في التمثيل أحسن لك يا فنانة" وثالث "إيه ده يا فنانة"؟.

أميرة أديب - كارت محروق

نجل عمرو أديب يدافع:

كتب نجل عمرو أديب معلقا عبر حسابه بموقع إكس يقول: ممكن لو الواحد متابعني من زمان يلاحظ بإني تقريباً عمري ما بحاول ادافع عن أبويا أو حتى اجيب في سيرته، ودا علشان اما لتوجهه السياسي، او حبه للزمالك، أو لأي شيء تاني لان خلاص أنت يا هتحبه يا هتكرهه.

وتابع خالد أديب قائلا: الراجل ابويا شغال بقاله 30 سنة.. لكن جيل عيلتنا الجديد هم خط أحمر.. ماحدش فيهم عملكم حاجة، وانا مش هقبل، وحابب بس أقول حاجة واحدة في حق أميرة أديب بنت عمي علشان شايف كم القرف اللي بيتقال عالبنت!! أيوة حقيقي أميرة من عيلة كبيرة و دا بيديها امتيازات كثيرة وأسهل عليها تعمل شيفت زي ده، لكن خلينا نكون واضحين، لأن أميرة شعبيتها عند الجيل الصغير دلوقتي بيلف عيلتنا كلها في سيجارة!.

وتابع خالد: أميرة هي المتحدث الرسمي باسم شركة Maybelline واللي هي من أكبر شركات المكياچ بتاريخ البشرية، وأميرة منزلة لعبة كوتشينة وحرفيا الافتتاح بتاعها عمل أزمة في المولات بسبب كم العيال اللي حضرتوا عشان يشوفوها.. البنت لسه ماعدتش 25 سنة، وأنا شايف بأنه ده إنجاز مبهر جداً، غير بقى بأنها ابتدت براند بتاعها، ومثلت.

واكمل: ودلوقتي نزلت أميرة فيديو من إخراجها. والكلام دا مش سهل. لا أنا ولا أبويا ولا أبوها عندنا القوة الناعمة اللي عندها بسبب قوة وجودها في تيك توك و شعبيتها مع الجيل الصغير.. لو انت شايف بقى ان المزيكا وحشة، او تمثيلها وحش. تمام عادي، لكن كلمة حق أميرة فعلا تستحق نجاحها.

واختتم قائلا: منزلة أغنية عادية جدًا ومافيهاشً شيء غريب أو controversial والكل طالع ينتقد "هو إيه بقى الكل بقى بيغني و أكيد بابا جايبلك الميكروفون" وبجد البنت مجتهدة جدا بشكل أنا أفتخر اني أعيّن واحدة زيها عندي في الشغل، أميرة مجتهدة و متفانية للغاية و لا تتوقف عن إثارة إعجابي، ومن الواضح بأن الأغنية و الحيوية فيها لا تستهدفني لكن يمكنني أن ألمس تفكير كل عنصر و احترام الزحام.

أغنية كارت محروق

وقد جاءت كلمات اغنية كارت محروق كالتالي:
أنا جوه دماغي، بتقول بس ايه،
عملها بطولي مشيت عالنار، أوه فلوس ايه،
وأنا عادي بلعبهم عندي كتير،‏
تيجي على بالي بعملها أكيد، أبطال بتخيب،
وأنا أصل الأصل والباقي تقليد،
تيجي على بالي وده كارت محروق.

من هي أميرة أديب

هي ممثلة مصرية ولدت في محافظة القاهرة، لعائلة فنية، فوالدتها هي الفنانة منال سلامة، وقد ظهرت معها في العديد من المحافل، وخالها الفنان شريف سلامة، اما والدها فهو المخرج عادل أديب، وعميها الإعلاميين عمرو أديب وعماد الدين أديب، وجدها الكاتب عبدالحي أديب وجدها لامها فهو المخرج المسرحي الكبير سلامة حسن.