كشفت الفنانة شيرين عبد الوهاب كواليس خلافها مع طليقها الفنان حسام حبيب في مداخلة هاتفية مع الإعلامية "لميس الحديدي" في برنامج "كلمة أخيرة"، وقالت: حسام سرق العربية من قدام البيت.. سرق العربية مستغلا تواجدي في الساحل.. أنا خرجت من الجوازة دي بالوكسة والحسرة.. دا إنسان خطر، لازم أروح اتعالج من آثاره عليا".

وأضافت شيرين عبد الوهاب: "كنت متكفلة بمصاريف بيته التاني (بيت والدى حسام حبيب) .. طول عمره ما بيشتغلش، وأهله باصين لي في كل حاجة.. لو عملت أغنية ناجحة أمه هتقول اشمعني ابنى.. حسام حبيب عاطل بالوراثة".

شيرين عبد الوهاب عن حسام حبيب: "حبيته عقربة.. أنا في حياتي متأذتش من إنسان كده"

وكانت الفنانة شيرين عبد الوهاب قد أكدت أنها لن تنسى سؤال العديد من الأشخاص عنها في أزمتها، ومنهم الإعلامية لميس الحديدي والفنانة ياسمين عبد العزيز والفنانة منة شلبى، متابعةً أنها تعلم جيدًا بوجود مشاكل أهم من مشاكلها الشخصية لدى المواطنين وبدأت تشعر أن موضعها "بوخ".

وقدمت "عبدالوهاب" خلال المداخلة الهاتفية اعتذارها إلى الجمهور على الهواء، قائلة: "عاوزة أستغفر ربنا على الكذب اللي كذبته عشان أخلي صورة إنسان تبقى كويسة وأنا كذبت ودي أكتر حاجة ربنا مبحبهاش".

شيرين تعترف على الهواء: "كذبت في حاجات عشان أنا بنت أصول وبستغفر ربنا"

وسألتها "الحديدي" عن ما كذبت بشأنه لترد الفنانة: "كدبت في حاجات كتيرة أوى لأني بنت أصول وكنت عاوزة أرفع صورة إنسان ممكن يروح في يوم من الأيام يتجوز من عيلة تانية ولو كنت قلت كلام وحش وقتها مكانش هيعرف يتجوز وأنا نفسي يتجوز ويبعد عنى وأخلص منه".

وتابعت شيرين: "أنا ست قاعدة في أمان الله مع بناتي، بقالنا 4 سنوات شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتي، ومكناش بنخرج ومكناش عايشين تقريبًا والبنات مكنوش بيعرفوا يقعدوا معايا، لأني كنت عايشة مع زوج مش بيشتغل تقريبًا، وكنت محبوسة 24 ساعة في أوضة نومي مش بعمل حاجة، قاعدة بس، وأنا غلطت في حق نفسي، وكنت فاكرة أنى بحافظ على بيتى لكنى اكتشفت أنه ما كنش بيت، كانت عيشة فئران أو مصيدة أنا كنت زي الفار اللى بيدخل المصيدة ياكل حتة جبنة".

وأضافت: "كنت عايشة مع راجل مش بيشتغل ولا بيخرج ولا بيشوف أهله ولا أصحابه وكل همه حب الامتلاك، ومع ذلك فضلت جمبه، وهو لا يعرف إلا فكرة حب الامتلاك، وصبرت لأنى كنت بحاول أنجح الحب ده ومكنتش بحب اتهزم وأنا بطبعى أكون خدامة الرجل اللي أعيش معاه".

وسارع حسام حبيب بالرد عليها حيث زعم أن حديث شيرين ماهو إلا كلام كاذب وغير حقيقي، لافتاً إلى انه اضطر للسكوت طوال الفترة الماضية حفاظاً على سمعتها ، ولكن سوف يتحدث خلال الفترة القادمة ويكشف المزيد من الحقائق ، خاصة وأن الحديث عن اتهامه أصبح زائداً. وتابع: "خلاص هاضطر اتكلم عشان الكلام بقى زيادة".

رد حسام حبيب على شيرين: "كل حاجة دلوقت بحضرها حفاظاً عليها وعلى سمعتها وعلى بيتها"

ونوه حسام حبيب، على أنه يقوم حالياً بتحضير مستندات تدعم وتؤكد صحة أقاويله التي سوف يكشفها خلال الأيام القادمة حول أزمته مع شيرين عبد الوهاب ، قائلاً" هتكلم بحقائق ومستندات عشان مش بحب افتري على حد". مضيفاً: "أنا مش مستعجل بجهز كل حاجة قانوناً وبالمستندات".