أثارت المطربة شيرين عبد الوهاب، حالة من الجدل خلال الساعات الماضية، وذلك بعدما ردت على سؤال أحد متابعيها على موقع الصور "انستجرام" عن أكثر أغنية ندمت على تقديمها، لترد بأنها أغنية "ماتجرحنيش". فكتب بهاء الدين محمد في منشوره: "مش متعود أرد على أى حد، ولكن لما حد يتجاوز حدوده لازم يقف مكانه ويعرف إنه مهما إتعود يغلط لازم ييجى عند بعض الأسماء ويحاسب ويخلى باله وخاصة لما حد في كل كارثة يدافع عنها".

وتابع: "هتكلم باختصار جدا المشهد الأول، أول يوم دخلت شيرين عبدالوهاب مكتبى كانت مع الأستاذ نصر محروس اللى هو صاحب الفضل في تقديمها.. وبعد دقائق من اللقاء لقينا شيرين بتبكى وسألها نصر بتعيطى ليه ردت علشان أنا قاعده مع الأستاذ بهاء". وقال بهاء الدين محمد: "المشهد الثاني، رشحتها تغنى كتير بنعشق ولولا موافقة نصر احتراما للعشرة اللى بينا مكنتش هتغنيها لأنها كانت موقوفة من النقابة".

وأضاف: "أما المشهد الثالث، لما فوجئت بمدير أعمالها الراجل اللى أنا بحبه وبحترمه لقيته بيكلمنى نيابة عنها ويقولى سمعنى الجديد وده طبعا خطأ لأن اللى بيغنى مهما كان إسمه مش المفروض يغلط غلطة زى دى لأن المشهد ده مش لايق على المشهد الأول". وأكمل: "المشهد الرابع والأخير أغنية "ما تجرحنيش" أنا لحد الأن مش عاجبنى غُنا شيرين مع احترامى الكامل لصوتها وأكيد لولا الأستاذ نصر مكنش هيتم اللقاء.. وما تجرحنيش من أهم أعمالى ومن حقى أدافع عنها نتاج تهور اللى غنيتها".

واختتم قائلا: "وكمان لأول مرة ألاقى حد بيحارب نَفسه وبيغلط في مبدعين اشتركوا في صناعته.. وعشان أكتب الكلام ده يبقى شيرين غلطانة كالعادة بس كان لازم أقولها ما تعمليش كده تانى وانتى بتكبرى بس مش هتعدى حدود حجم بعض الأسماء ولا أعمالهم".

شيرين عبد الوهاب - ما تجرحنيش

أغنية ما تجرحنيش

وأغنية "ما تجرحنيش" كانت قد صدرت عام 2003 ضمن ألبوم شيرين "جرح تاني"، والأغنية من كلمات الشاعر بهاء الدين محمد، الحان حسن ابو السعود، توزيع مدحت خميس، مهندس صوت أمير محروس.