كشف الفنان أحمد السقا عن وجود "زعل" من تامر حسني بسبب موقف حدث في فيلم تامر الأخير "الفلوس" وأثر شخصيا ومهنيا على حياة السقا، كما تحدث للمرة الأولى عن تاثير شائعات انفصاله عن زوجته، واعترف بأنه لا يتأثر بلقب "تربي الفنانين" الذي يلاحقه بسبب إصراره على دفن بعض نجوم الفن بنفسه.

وردا على سؤال الإعلامية وفاء الكيلاني في الحلقة الأولى من برنامج "السيرة" الذي تقدمه على قناة DMC: امتى آخر مرة كنت فاكر إن حد أخوك وطلع مش أخوك؟"، قال السقا: "أنتِ عارفة إني بتكسف ومش هقول، لكن المرة دي هقول، أنا في حد زعلان منه وحتى الآن مقولتلوش، أنا زعلان من تامر حسني، أنا بحب تامر جدا ولو مش بحبه مش هزعل منه.

تابع قائلا: زعلان منه عشان هو في فيلم (الفلوس) كلمني وقالي إنه عايزني أعمل معاه مشهد، وهو الحقيقة كان جاملني في مسلسل (ولد الغلابة)، وبعد ما عملتله المشهد فوجئت إن الفيلم نزل إنه بطولة تامر وأحمد السقا وصورة معاه على الأفيش، كلمته قولتله إيه اللي بيحصل ده، مرة قالي دول فانز، ومرة قال دول الشركة المنتجة، قولتله أنا معرفش حد منهم يا تامر أنا معرفش غيرك، ودي أثرت عليّا جدا نفسيا وفي شغلي.

ونفى السقا أن يؤثر هذا الموقف على علاقته المتينة بتامر حسني وقال: مش هتأثر.. لو قابلني حاليا وقالي كلمتين حلوين الموضوع هيخلص.. لكن أنا زعلت، لأن أنا لا يمكن أعمل فيه كده، ميصحش كده، وهو كان بإيده يمنع الكلام ده، لكن اللي حصل حصل وأنا مسامحك يا تامر لكن مشاكلك كترت.

وردّ الفنان تامر حسني على تصريحات الفنان أحمد السقا التي أدلى بها فى برنامج ، عندما عاتبه على ترويجه لفيلمه ;الفلوس;، بصورته واسمه. وقال تامر عبر ستوري إنستغرام:;حبيبي وأخويا وصديق العمر ونجم الدنيا كلها أحمد السقا، كنت أتمنى انك تكلمني بيني وبينك، ولو كنت زعلان من أي حاجة أو فاهم أي حاجة غلط، لأن الحجات دي لا يمكن تفوتك، وأنا كنت أتمنى مكتبش الكلام دا هنا، بس عشان بعد كلامك فى التلفزيون، الجمهور الكريم بقى ليه حق إنه يفهم الصح. وأضاف حسني: ;عشان أفكرك بس، أنت كلمتني وقلت لي فيه خبر في موقع، وعليه صورة افتراضية للفيلم، وكاتبين أنك بطل

وقال تامر عبر ستوري إنستغرام:"حبيبي وأخويا وصديق العمر ونجم الدنيا كلها أحمد السقا، كنت أتمنى انك تكلمني بيني وبينك، ولو كنت زعلان من أي حاجة أو فاهم أي حاجة غلط، لأن الحجات دي لا يمكن تفوتك، وأنا كنت أتمنى مكتبش الكلام دا هنا، بس عشان بعد كلامك فى التلفزيون، الجمهور الكريم بقى ليه حق إنه يفهم الصح".

وأضاف حسني: "عشان أفكرك بس، أنت كلمتني وقلت لي فيه خبر في موقع، وعليه صورة افتراضية للفيلم، وكاتبين أنك بطل في الفيلم، وأنا رديت عليك ان دي اجتهادات صحفية والصورة من تصميم محبين اللي أكيد فرحوا بالخبر اننا مع بعض، حتى أنا مقولتش إن دي الشركة المنتجة، لأنها شركة كبيرة، ولا يمكن تعمل كدا، لأن الفيلم متباع للخارج والداخل باسم أخوك تامر حسني، نزل والناس كلها شافته، وأنت مش فيه ولا فيه اسمك، كل الابطال طالعين مرسومين، ومعرفش زعلك من أيه الحقيقة، كان ممكن تزعل لو الكلام دا نزل على صفحتي أو صفحة الشركة المنتجة".

وتابع: "أنا شرحتلك دا من سنة واتكلمنا بعدها، مرة عيدت عليك فى عيد ميلادك والتانية بخصوص برنامجك، ولو كنت لسه زعلان كنت هتقولي ساعتها، الفيلم بقاله سنة يا احمد". واختتم حديثه :"أنت حبيبي يا أحمد وصديق عمر، عشان كدا أنا اللي مش هزعل منك، معلش طولت في الكلام، لأن برضو زعلك يعز عليا".

أكد السقا، أن لقب "تُربي الفنانين" لا يزعجه، وقال: دفنت الراحل هيثم أحمد زكي ووالده وممدوح وافي، أنا نزلت مقابر كثيرة، وأول مرة وأنا في تانية ثانوي، ولم أخف من ذلك، وطوال الوقت أذهب إليها لأقرأ الفاتحة للأموات. تابع قائلا: وفاة الراحل هيثم أحمد زكي أثرت فيّ جدًا، خاصة أن علاقتي به كانت قوية وعلى اتصال دائم ببعض طول الوقت، وكان بالنسبة لي حاجة كبيرة أوي.

واعترف السقا، إنه تعب نفسيا من الشائعات التى طاردته بموضوع الانفصال عن زوجته مها الصغير، مضيفا: كل بيت يوجد فيه مشاكل واتبهدلنا كتير بصراحة ولكن الحمد لله. وأضاف أنه أول مرة رأى فيها مها الصغير كانت فى الجامعة الأمريكية، وبعدها بسنة ونصف كنا متجوزين، متابعا:عندما اشتغلت مذيعة استطعنا حل مشاكل كتير بيننا.